منتديات شبكة قطر

منتديات شبكة قطر (http://www.qatarw.com/vb/index.php)
-    ركن الشعر (http://www.qatarw.com/vb/%D1%DF%E4-%C7%E1%D4%DA%D1/)
-   -   ސܥܜܟޕܔ أربعـــهـ (فـ) ستـــهـ ސܥܜܟޕܔ (http://www.qatarw.com/vb/%D1%DF%E4-%C7%E1%D4%DA%D1/27541-%C3%D1%C8%DA%DC%DC%DC%E5%DC-%DD%DC-%D3%CA%DC%DC%DC%E5%DC.html)

ملوكه قطر 15-03-2007 06:50 PM

ސܥܜܟޕܔ أربعـــهـ (فـ) ستـــهـ ސܥܜܟޕܔ
 
ސܥܜܟޕܔ أربعـــهـ (فـ) ستـــهـ ސܥܜܟޕܔ


السلام عليكم ورحمــة الله وبركــاتـــه




ثلاث سنين انا اخطط لهذا اليوم يـا بـو سعـود
................تيسّـر حالـي و جاهـز اوفّـي وعـدي بوقتـه

و فجأه جتني تتعـذر .. تقـول تأخَـرَت لوعـود
................و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود
...............ضحكت بوجهها من قلب.. مع انْها بايخه النكتـه

و قالت ارضى بالواقع .. قلبي ماهـو المعهـود
................تغير كل شي صوبك .. نصيبي ما اظـن انتـه !!

كنت ف يوم محبوبـي و لكـن مـا اظـن نعـود
................وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود
................ترى مـا خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود
................و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجود
................وقالوا كل من حولي علامـات الرضـا سكتـه

و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه

و اراضي اهلي و اخواني مدام ان الفرح مقصود
................عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود
................اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟
................تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود
................بعد ما حطمـت قلبـي و طعـم المـوت جربتـه

عسى بفستانها اشواك .. و في ثوبه عقارب سود
................و نار ٍ تحرق الكوشـه و تحـرق بيتهـم حتـى

و موت بليلـة الدخلـه يبـرد حرتـي يـا كـود
................ولا احس انهـا بحضنـه يلامـس خـد لامستـه

علي اهون اذا ماتوا ولا بنفـس السريـر رقـود
................ترى صعـب ٍ علـي اتخيـل اللـي مـا تخيلتـه

عسى قاع الثرى يقسى و يتحول صخـر جلمـود
................و حفار القبـر يرفـض يسـوي فـوق مقدرتـه

ترى دفنة عديم الذات تلـوع حتـى كبـد الـدود
................و من خان العهود و مات تعافـه حتـى مقبرتـه

عسى ربي يجازيهم بحبـل ٍ مـن مسـد ممـدود
................يعلقهـم مـن اطرافـه و فوقـه نـار ٍ و تحتـه

انا ماني حقود و شين ولاني مـن نسـل نمـرود
................ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود
................بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ مـا رحـم لخـدود
................و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود
................و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود )
................انا حبيـت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود
................خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود
................وتوافق من كلام اختـه .. و صـوره اربعه بسته


للشاعر ... فهد معتوق ..(ساقي الشوق )


وانشاله ان تنال اعجابكم

م
ن
ق
و
ل
للامانه

دلوعه قطريه 16-03-2007 12:33 AM

رد: ސܥܜܟޕܔ أربعـــهـ (فـ) ستـــهـ ސܥܜܟޕܔ
 
تسلمين ياقلبي ع النقل

أميرالإحساس 16-03-2007 03:34 PM

رد: ސܥܜܟޕܔ أربعـــهـ (فـ) ستـــهـ ސܥܜܟޕܔ
 
الله يعطيج العافيه

على هذه القصيده

واختيار موفق

وتسلم ايدج

قصه ومات كاتبها 27-03-2007 12:55 AM

رد: ސܥܜܟޕܔ أربعـــهـ (فـ) ستـــهـ ސܥܜܟޕܔ
 
رووووووووووعه سلمت يدك على النقل
تحياتي لك
اخووك

ملوكه قطر 29-03-2007 07:39 PM

رد: ސܥܜܟޕܔ أربعـــهـ (فـ) ستـــهـ ސܥܜܟޕܔ
 
تسلمين حبيبتي دلوعه قطريه ع المرور الحلو ..


الساعة الآن 02:56 AM.

Powered by vBulletin® Version 3.8.0
Copyright ©2000 - 2021, Jelsoft Enterprises Ltd.
SEO by vBSEO
بدعم وتطوير من قطر هوست